நீங்கள் தேடியது "கோவில் உண்டியல்"

ஆலந்தூர்:

மடிப்பாக்கம் - மூவரசன் பேட்டை மெயின் ரோட்டில் கங்கை அம்மன் கோவில் உள்ளது.

இந்த கோவிலில் உள்ள உண்டியலை மர்ம ஆசாமிகள் நேற்று உடைத்து, அதிலிருந்த பணத்தை திருடிச்சென்று விட்டனர். இந்த கோவிலில் இருந்த கண்காணிப்பு கேமரா வயரை துண்டித்து விட்டு இந்த கொள்ளை நடந்துள்ளது.

இதன் பின்புறம் வல்ல விநாயகர் கோவில் இருக்கிறது. இந்த கோவில் உண்டியல் நேற்று இரவு உடைக்கப்பட்டு, அதிலிருந்த பணம் கொள்ளையடிக்கப்பட்டு உள்ளது.

இதைத் தொடர்ந்து மேடவாக்கம் மெயின் ரோட்டில் உள்ள பாதாள விநாயகர் கோவிலில் நேற்று இரவு உண்டியலை உடைத்து கொள்ளயடிக்க முயற்சி நடந்தது. அப்போது, அபாயமணி ஒலித்தது.

சத்தம் கேட்டு அக்கம் பக்கத்தில் உள்ளவர்கள் அங்கு வந்தனர். இதற்குள் கொள்ளையர்கள் தப்பி ஓடி விட்டனர். போலீசார் வழக்குப்பதிவு செய்து கண்காணிப்பு கேமரா காட்சி பதிவுகளை வைத்து கொள்ளையர்களை தேடி வருகிறார்கள்.

பாகூர்:

பாகூர் மார்க்கெட் தெருவில் 4 முனை சந்திப்பில் பூலோக மாரியம்மன் கோவில் உள்ளது. பிரசித்தி பெற்ற இக்கோவிலில் தினமும் அப்பகுதியை சேர்ந்த வியாபாரிகள் மற்றும் பொதுமக்கள் சாமி தரிசனம் செய்து உண்டியலில் காணிக்கை பணம் செலுத்துவது வழக்கம். கடந்த 6 மாதத்துக்கு முன்பு உண்டியல் திறக்கப்பட்டது. அதன்பிறகு உண்டியல் திறக்கப்படவில்லை.

இந்த நிலையில் நேற்று மாலை கோவில் பூசாரி அப்பு பூஜை முடிந்து கோவிலை பூட்டிவிட்டு சென்றார். இன்று காலை வழக்கம் போல் பூசாரி அப்பு பூஜை செய்ய கோவிலுக்கு வந்தார். அப்போது கோவிலில் இருந்த உண்டியல் காணாமல் திடுக்கிட்டார். அந்த உண்டியல் கோவில் பின்னால் கிடந்தது. உண்டியல் உடைக்கப்பட்டு அதில் இருந்த ரூபாய் நோட்டுகள் மட்டும் கொள்ளையடிக்கப்பட்டு இருந்தது. சில்லரை காசுகள் சிதறி கிடந்தன.

இந்த தகவல் அப்பகுதி முழுவதும் பரவியது. வியாபாரிகளும், பொதுமக்களும் கோவிலுக்கு திரண்டு வந்து பார்த்தபோது அதிர்ச்சிக்குள்ளானர்கள்.

இதுபற்றி தகவல் அறிந்ததும் பாகூர் போலீஸ் சப்-இன்ஸ்பெக்டர் சிவக்குமார் மற்றும் போலீசார் சம்பவ இடத்துக்கு விரைந்து வந்து பார்வையிட்டு விசாரணை நடத்தினர். நள்ளிரவில் மர்ம நபர்கள் கோவிலுக்கு பின்புறமாக மதில் சுவர் ஏறி குதித்து உண்டியலை எடுத்து சென்று பூட்டை உடைத்து பணத்தை கொள்ளையடித்து சென்றதும் தெரியவந்தது. இதுகுறித்து போலீசார் வழக்குபதிவு செய்து விசாரணை நடத்தி வருகிறார்கள்.

கோவில் உண்டியல் பணம் கொள்ளையடிக்கப்பட்ட இடம் எப்போதும் மக்கள் நடமாட்டமுள்ள பகுதியாகும். மேலும் போலீஸ் நிலையமும் அருகிலேயே உள்ளது. அப்படி இருக்க மர்ம நபர்கள் துணிகரமாக கோவிலில் உள்ளே புகுந்து உண்டியலில் பணம் கொள்ளையடிக்கப்பட்ட சம்பவம் அப்பகுதியில் பெரும் பரபரப்பை ஏற்படுத்தி உள்ளது.

சீர்காழி:

நாகை மாவட்டம் திருவெண்காடு அடுத்த சிறுவாலி பகுதியில் இன்ஸ் பெக்டர் வேலுதேவி மற்றும் போலீசார் ரோந்து பணியில் ஈடுபட்டு இருந்தனர்.

அப்போது அந்த வழியாக வந்த 2 வாலிபர்களை பிடித்து விசாரித்தனர். இதில் அவர்கள் முன்னுக்கு பின் முரணாக பேசியதால் போலீசார் சந்தேகமடைந்து தீவிர விசாரணை நடத்தினர்.

இதில் அவர்கள் 2 பேரும் சிறுவாலி பகுதியில் உள்ள ஆஞ்சநேயர் மற்றும் பாம்புளியம்மன் கோவில்களில் உண்டியலை உடைத்து பணம் திருடியது தெரியவந்தது. மேலும் போலீசார் நடத்திய விசாரணையில் இருவரும் அதே பகுதியை சேர்ந்த முரளி (வயது 32), மற்றும் அன்புத்தம்பி (23) என தெரியவந்தது.

இதையடுத்து அவர்கள் 2 பேரையும் போலீசார் கைது செய்தனர். மேலும் அவர்களிடம் இருந்து ஒரு கிலோ வெள்ளி பொருட்கள், மற்றும் 2500 ரொக்க பணம் ஆகியவை பறிமுதல் செய்தனர்.